الله يلعن أبو حب السلطة

نفسي كل واحد يقعد مع نفسه و يسألها السؤال ده... أيام الثورة لما كانت الناس تقوللك و هو يعني لو حسني مبارك مشي هنلاقي مين يحكم البلد كان ردك ساعتها بيبقي ايه؟؟؟ أنا شخصيا كان ردي اللي قلته اكتر من مليون مره... أي واحد يمسك البلد هيبقي احسن من ابوه بل في كثير من الأحيان كنت باقول للي سألني انت تمسكها و هتبقي احسن منه.... أنا مش اخوانجي ولا مؤيد للإخوان و كنت بانتخب خالد عوده عشان ضد الحزب الوطني... الاخوان تحالفو مع البرادعي عشان ضد النظام... يعني المختصر المفيد أسوأ السيناريوهات بالنسبه لأي طرف النهارده هي حاجه ماكانش يحلم بيها امبارح.... يبقي ليه نقطع في بعض كده... ما يحكمو الاخوان أو يحكم الليبراليين أو يحكم ائتلاف من كل التيارات ..... ايه لحقتو تنسو.... فوقو... ليه يا إسلاميين عمالين تكفرو في كل الخلق و كنتو ساكتين علي اللي كفر البلد كلها.... ليه يا ليبراليين اتسمع حسكم بالشتيمه في كل ما هو منتمي للتيار الاسلامي النهارده بس و ليه ماحدش سمع عنكم قبل كده.... الحقيقه حاجه تفرح ... و كل واحد في البلد دي تكلمه يقوللك حق الشهدا... انتو اللي ضيعتو حق الشهدا... الله يلعن ابو حب السلطة