النص الكامل لشهادة المشير طنطاوي في جلسة ٢٤-٩-٢٠١١

النص الكامل لشهادة المشير س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟  ج1 : الاجتماع كان برئاسة رئيس الوزراء واعتقد أنه بلغ  س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟  ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس  س3: ما الذي أبداه رئيس الجمهورية في هذه اللقاءات ؟  ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث  س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟  ج4 : ليس لدي معلومات عن هذا واعتقد ان هذا لم يحدث  س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟  ج5 : ليس لدي معلومات  س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟  ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران  س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟  ج7 : ليس لدي معلومات  س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟  ج8: إنا معنديش معلومات بكده.. الاحتمالات كتير لكن مفيش معلومة عندي  س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟  ج9 : إنا معرفش ايه اللي حصل  س10 : هل تستطيع سيادتك تحديد هل كانت هناك عناصر أخري تدخلت ؟  ج10 : هيا معلومات غير مؤكدة بس اعتقد ان هناك عناصر تدخلت  س11 : وما هي تلك العناصر ؟  ج11 : ممكن تكون عناصر خارجة عن القانون  س12 : هل ورد لمعلومات سيادتك ان هناك عناصر اجنبية قد تدخلت ؟  ج12 : ليس لدي معلومات مؤكدة ولكن ده احتمال موجود  س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟  ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه  س14 : ولمن يصدر رئيس الجمهورية علي وجه العموم هذه الأوامر ؟  ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك  س15 : وهل يجب قطعا علي من تلقي أمر تنفيذه مهما كانت العواقب ؟  ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه  س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا  ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا  س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟  ج17: يسأل في ذلك مساعديه الذين ابلغوه هل هو علي علم أم لا  س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟  ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات  س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟  ج19 : هذه مسئولية جهات التحقيق  س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟  ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه ولكن التظاهر وفضه هي خطة وتدريب موجود في وزارة الداخلية  س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك ؟  ج 21 : معنديش علم بذلك  س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟  ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟  ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش  س24 : هل هناك اصابات أو وفيات لضباط الجيش ؟  ج 24 : نعم هناك شهداء  س25 : هل تعاون وزير الداخلية مع القوات المسلحة لتأمين المظاهرات ؟  ج 25 : لأ  س26 : هل أبلغت بفقد ذخائر خاصة بالقوات المسلحة؟  ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة  س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟  ج27: هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات  س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟  ج28: لا ..لم يتم القاء القبض على أى أحد  س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟  ج29 : لم يحدث  س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟  ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

أحمد عبد الكريم...شهادتنا له و شهادته علي الثورة اللي ضاعت #freeAhmed

لم نكن نعتقد و نحن نحتفل بتنحي مبارك أو بزوال عهده...و احنا بنطلق الألعاب النارية في ميدان التحرير أو و احنا بنسلم علي كل الناس في الشارع و نقوللهم خلعناه بفرحة هستيرية أو و احنا بننضف الميدان و شوارع البلد في الأيام التالية إن بعد أشهر قليلة سيصبح لكل منا عزيز معتقل أو محبوس علي ذمة قضية عسكرية أو بيقضي حكم عسكري....بل لم نتصور أن تشوه صورتهم بشكل متعمد أمام المجتمع بدعوي انهم بلطجية عايزين يولعو في البلد و يخربوها و يدوسو علي هيبيتها !!

أحمد محمود عبد الكريم....راجل جدع من أبناء مدينة أسيوط...خريج كلية التربية...شاعر و مفكر...شهد له جميع أصدقاؤه و معارفه بدماثة الخلق و رجاحة العقل...أحمد كان من أشد المؤمنين بسلمية الثورة و أنها يجب أن تحافظ علي صورتها البيضاء و يذكر له أكثر من موقف في مظاهرات أسيوط  عند ظهور أول بوادر الاحتكاك كان يبادر بتذكيرنا جميعا...سلمية..سلمية...والنهارده هو بيتحاكم عسكري بتهمة البلطجة و اتلاف الممتلكات العامة!!!! عايز اقول ان الصعيد من كتر اهمال السلطة علي مدي عقود طويلة...الاهمال الأمني و التعليمي و الاقتصادي أصبح فيه بلطجية كتير..بلطجية شارك النظام في صنع بعضهم و ترك البعض الآخر للطبيعة تشكله...لكن البلطجية دول ماحدش بييجي ناحيتهم...لو كان أحمد بلطجي كان ما أسعدنا بحاله اليوم...أهو بناقص واحد من الهم اللي كابس علي أنفاسنا...لكن للأسف و كما كان الحال أيام مبارك خيرة شباب البلد في المعتقل و الزباله مافيش أكتر منها براه...

أحمد سافر من أسيوط عشان يحضر جمعة تصحيح المسار ٩ سبتمبر في ميدان التحرير زي آلاف الآلاف من المصريين اللي نزلو الشارع...كان كمان عنده مقابلة عمل يرجو أن يبدأ بها مستقبله المهني...شاب من شباب الثورة يحدوه الأمل في غد أكثر اشراقا من الأمس الكئيب...لا رايح يضرب ولا يكسر ولا ينضرب...أيوه راح عند السفارة زي آلاف غيره...زي الراجل اللي طلع جاب العلم من أيام قليلة و اعتبره الشارع و الاعلام بطل....

لما انقبض علي احمد طلعو صورته زي المجرمين في القناه الأولي و قالو انه اتمسك عند مديرية أمن الجيزة مع ان احمد اتمسك قبل ما تبدأ أحداث المديرية بساعات...عموما أنا هانقللكم شهادة أحمد عن واقعة اعتقاله و اللي حصل بعدها كما رواها لأهله في الزياره:

"انا كنت واقف علي الكوبري منتظر واحد صاحبي ولقيت واحد متصاب فكنا بنشيله على جنب وكان قدامنا ظابط وعسكري بس كانو لبسين لبس مدنى بس فى مسافة بعيدة شوية وكان هينزل عليهم طوب من فوق فبشاورلهم بأيدي عشان الطوب ميجيش عليهم وبقولوهم حاسب خدو جنب فالظابط مسمعنيش ففكرنى بزعق فيهم عشان أصابوا إلى إحنا كنا بنشيله فاضايق جدا وضرب عليا بالنار في نفس الوقت اللي قال لعساكره هاتولي ابن**** ومسمحليش حتي افهمو انا كنت بقول ايه انا مش عارف انا عايش ازاي لحد دلوقتى .انا الرصاص كان بيعدي جنب كتفي ومن فوقي وبعدين اتجمع عليا حوالى 20 او25 عسكري وضربوني ضرب موت في كل جزء في جسمي وبعدين جروني للعربيه (البوكس) وهما بردو مستمرين في ضربي والمسافه كانت كبيره جدا غير ان كل واحد في السكه تبعهم كان بيساعدهم في ضربي وبعدين سرقونى وخدو فلوسى وموبايلي ونظارتى وكل حاجه كانت معايا وخدونى علي القسم ولفقولي تهم كتير....

وبعدين اتحولت لسجن طره واتعاملت معامله المجرمين حلقولي شعري زيرو ولبسوني لبس المساجين وحطونى في زنزانه مع 13 واحد مبنخرجش منها خالص بس والله انا الحمد لله متماسك جد و بنقرا قران وبنصلي جماعه وبندعي ربنا يفك كربنا"... والد احمد بيقول لما دخل يقابله كان كل المعتقلين واهلهم في غرفه صغيره وكان في شاب صغير اول ما شاف اهله انهار و أجهش بالبكاء فوالد احمد قاله. "اسكت متبكيش انتو رجاله ومظلومين وربنا كبير ومش هيسيبكو"

أحمد اتعرض علي النيابة العسكرية س٢٨ و قررت حبسه ١٥ يوم علي ذمة القضية التي تحدد لها يوم ٢٤ سبتمبر

يا سعادة المشير لما حسني مبارك و عياله خدو حبس ١٥ يوم أول مره أنا واحد من ناس كتير كلمو الحاجه ليلي والدة الشهيد خالد سعيد عشان يهنوها...مش بس عشان إحساسنا ان ربنا أراد يبرد نارها لكن عشان إحساسنا ان دعوتها هي و آلاف الأمهات اللي ولادهم راحو ظلم و قهر..الدعوات دي بس هي اللي خليتنا نشوف اليوم ده...زمان كانت الأمهات بتدعي علي حسني مبارك و ظباط الداخلية لكن أؤكدلك...انهم النهارده لما يقولو ربنا ع الظالم و المفتري اللي بيقصدوه في دعوتهم مش هيكون بعيد عن حضرتك و أعضاء مجلسكم الموقر...اتقو الله فينا...لا زالت الفرصة أمامكم لتدخلو التاريخ كأبطال هذا الوطن فلا تضيعوها و تضيعونا

تحديث: أحمد خرج اخلاء سبيل هو و ٣٠ شاب غيره في أحداث السفارة في أول جلسات محاكمتهم في ٢٤ ديسمبر ٢٠١١....اذا كانت القضية دي ضعيفة الي هذا الحد...هل سيمر احتجاز هؤلاء الشباب و ضياع أكثر من ثلاثة أشهر و نصف الشهر من أعمارهم دون مساءلة لمن "فبركو" مذكرات الاتهام؟؟؟؟ هل سيظل الحبس الاحتياطي الي ما لا نهاية سيف مسلط علي رقاب كل من يعارض في هذا البلد؟؟؟

لمعلومات أكثر عن أحمد و قضيته:

الحرية لأحمد عبدالكريم

http://www.facebook.com/FreeDom.Ahmed.Egypt

الــحــريــة لــ أحـمـد عـبـد الـكـريـم - راديو صلاح جاهين

http://www.radiojahein.net/2011/09/blog-post_2879.html 

الحرية لـ أحمد محمود عبدالكريم أسير السجون العسكري - مصراوى

http://www.masrawy.com/moraselon/ArticlesDetails.aspx?AID=133598

أسرة احمد عبد الكريم تتظاهر مع مئات النشطاء والمواطنين باسيوط احتجاجا على اعتقاله امام سفارة اسرائيل ومحاكمته عسكريا - المصرى نيوز

http://almasryanews.org/?check=news&uid=1366

الحرية لـ أحمد محمود عبدالكريم أسير السجون العسكرية - الكابتن ميمو

http://elkaptenmemo.ahlamontada.com/t2424-topic

الفيسبوكية: الحرية لعبدالكريم ابن أسيوط - الوفد

http://www.alwafd.org/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%A7%D8%AE%D9%8A%D8%B1%D8%A9/79-%D8%A7%D9%84%D8%B5%D9%81%D8%AD%D9%87%20%D8%A7%D9%84%D8%A7%D8%AE%D9%8A%D8%B1%D9%87/93059-%D8%A7%D9%84%D9%81%D9%8A%D8%B3%D8%A8%D9%88%D9%83%D9%8A%D8%A9-%D8%A7%D9%84%D8%AD%D8%B1%D9%8A%D8%A9-%D9%84%D8%B9%D8%A8%D8%AF%D8%A7%D9%84%D9%83%D8%B1%D9%8A%D9%85-%D8%A7%D8%A8%D9%86-%D8%A3%D8%B3%D9%8A%D9%88%D8%B7

الفيسبوكية: الحرية لعبدالكريم ابن أسيوط - مصرس

http://masress.com/alwafd/93059

بالصور مظاهرة بالكمامات تطالب بالإفراج عن أحمد عبدالكريم - المحور

http://almehwar.info/business-a-money/69-2011-04-28-07-40-45/1621-2011-09-12-12-07-14.html

الناشط السياسي أحمد عبد الكريم... بطلجي بالصدفة - مصر العربية

http://www.masralarabia.com/index.php?option=com_content&view=article&id=2668:2011-09-11-14-38-38&catid=301:2011-08-25-20-23-42&Itemid=552

عاجل: الحكم على أحمد عبدالكريم بـ15 يوم على ذمة التحقيق بعد القبض عليه من أمام مديرية أمن الجيزة - الكابتن ميمو

http://elkaptenmemo.ahlamontada.com/t2422-topic

اعتقال أحد شباب ائتلاف الثورة بأسيوط عقب مشاركته في "جمعة تصحيح المسار" - الفجر

http://www.elfagr.org/Detail.aspx?nwsId=51087&secid=1&vid=2

الغضب يجتاح أسيوط بعد القبض على الناشط أحمد عبد الكريم - مصر العربية

http://www.masralarabia.com/index.php?option=com_content&view=article&id=2692:2011-09-12-11-55-04&catid=295:2011-08-25-20-21-20&Itemid=543 

اعتقال الناشط السياسي أحمد عبد الكريم من أمام السفارة الإسرائيلية - حقوق دوت كوم

http://www.hoqook.com/index.php/2011-04-14-08-00-55/20201-2011-09-10-12-23-30

مظاهرة أمام مديرية أمن أسيوط للإفراج عن أحد المقبوض عليهم - اليوم السابع

http://www.youm7.com/News.asp?NewsID=490122&

برنامج لحظة بلحظة حلقة أهالى المتهمين بإثارة الشغب فى قضية السفارة الإسرائيلية

http://www.youtube.com/watch?v=Jeu_IfH7N-Y

بالصور والفيديو|مظاهرة حاشدة بأسيوط تنادى بالحرية لأحمد محمود محمد عبدالكريم - الكابتن ميمو

http://elkaptenmemo.ahlamontada.com/t2427-topic

غضب بأسيوط ضد إحالة عبد الكريم إلى محكمة "أمن الدولة" - إخوان أسيوط

http://ikhwanassiut.com/index.php/gov/local/295--q-q

 قصة ودليل إدانه أحمد محمود عبدالكريم كما رواها صديقه أحمد مكى فى شهادته - الكابتن ميمو

http://elkaptenmemo.ahlamontada.com/t2426-topic

مظاهرة بأسيوط للإفراج عن "ناشط سياسي" - الوفد

http://www.new.alwafd.org/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1/10-%D9%85%D8%AD%D9%84%D9%8A%D8%A9/93603-%D9%85%D8%B8%D8%A7%D9%87%D8%B1%D8%A9-%D8%A8%D8%A3%D8%B3%D9%8A%D9%88%D8%B7-%D9%84%D9%84%D8%A5%D9%81%D8%B1%D8%A7%D8%AC-%D8%B9%D9%86-%D9%86%D8%A7%D8%B4%D8%B7-%D8%B3%D9%8A%D8%A7%D8%B3%D9%8A#axzz2LAd7U9ur

رصد | مظاهرة للإفراج عن الناشط أحمد عبد الكريم

http://www.youtube.com/watch?v=Ks1mvBhB7gE

الكابتن ميمو | مظاهرات التضامن مع أحمد عبدالكريم

http://www.youtube.com/watch?v=h1z68dfI9No&feature=player_embedded

استمرار المظاهرات بأسيوط للمطالبة بالإفراج عن الناشط أحمد عبد الكريم - حقوق دوت كوم

http://www.hoqook.com/index.php/2011-04-14-08-00-55/20345-2011-09-11-13-10-57

نشطاء يدعون لمظاهرة حاشدة تضامناً مع السلطان أحمد عبدالكريم بأسيوط - الكابتن ميمو

http://elkaptenmemo.ahlamontada.com/t2423-topic

القصة كما رواها أحمد مكي صديق أحمد - الحرية لأحمد عبدالكريم

http://www.facebook.com/note.php?note_id=264026143617679

قصة زيارة أهل لأحمد له ...... وهو يحكى قصة إعتقاله - الحرية لأحمد عبدالكريم

http://www.facebook.com/notes/%D8%A7%D9%84%D8%AD%D8%B1%D9%8A%D8%A9-%D9%84%D8%A3%D8%AD%D9%85%D8%AF-%D8%B9%D8%A8%D8%AF%D8%A7%D9%84%D9%83%D8%B1%D9%8A%D9%85/%D9%82%D8%B5%D8%A9-%D8%B2%D9%8A%D8%A7%D8%B1%D8%A9-%D8%A3%D9%87%D9%84-%D9%84%D8%A3%D8%AD%D9%85%D8%AF-%D9%84%D9%87-%D9%88%D9%87%D9%88-%D9%8A%D8%AD%D9%83%D9%89-%D9%82%D8%B5%D8%A9-%D8%A5%D8%B9%D8%AA%D9%82%D8%A7%D9%84%D9%87-%D8%B4%D9%8A%D8%B1-%D8%B9%D8%B4%D8%A7%D9%86-%D8%A7%D9%84%D9%86%D8%A7%D8%B3-%D8%AA%D8%B9%D8%B1%D9%81/264019103619421

قصة إعتقال أحمد محمود عبدالكريم كما رواها أهله عند زيارتهم له - الكابتن ميمو

http://elkaptenmemo.ahlamontada.com/t2428-topic#9003

مظاهرة بأسيوط تضامنًا مع أحد الشباب المقبوض عليهم في أحداث السفارة - المشهد

http://al-mashhad.com/Articles/14990.aspx

حاصر حصارك.. أنتصارك بكرة جي.... الحرية لعبدالكريم

http://www.youtube.com/watch?v=fkFn6snF2DY

رأى أحمد عبدالكريم فى جمعة تصحيح المسار 9/9

http://www.facebook.com/photo.php?v=2174185927276

صعيدى جيكس - أحمد عبدالكريم يتكلم بكونه عضواً فى جمعية بدايات التشكيلية

http://www.youtube.com/watch?v=Np9JiLgcW2o

تظاهر العشرات من القوى السياسية بأسيوط للإفراج لأحمد عبد الكريم - تحرير أونلاين

http://tahrironline.net/Pages/NewsDetails.aspx?NewsID=30156

الشرطة العسكرية تقبض على أحد الثوار في أحداث السفارة برغم عدم تواجده في الأحداث - تاكسينا

http://www.taxina-news.com/seyasa-street/haretna/9723-2011-09-11-00-15-25.html

مظاهرة بأسيوط ضد إحالة المدنيين إلى محكمة "أمن الدولة" - إخوان أونلاين

http://www.ikhwanonline.com/new/Article.aspx?ArtID=90955&SecID=230

الحريه لأحمد عبدالكريم

http://www.youtube.com/watch?v=ysU3e3Yca7Y

أسيوط تطالب بالإفراج عن ابنها الناشط أحمد عبد الكريم - جريدة أسيوط الأصلية

http://assiut1.blogspot.com/2011/09/blog-post_10.html

مظاهرة أمام مديرية أمن أسيوط - صوت المشاودة

http://mshawda.blogspot.com/2011/09/blog-post_556.html

By: Mahmoud Atef Elnakeep

رصد | ما حدث مع احمد عبدالكريم (أحمد محمود محمد عبدالكريم) أحد شباب أسيوط من الشباب المعتقلين يوم 9/9 من أمام مديرية أمن الجيزة #RNN

http://www.facebook.com/photo.php?fbid=196787957064988&set=a.103652329711885.5178.103622369714881&type=1

شهادة صديقي أحمد مكي علي أحداث ٩ سبتمبر من موقع الحدث كما رواها علي تويتر

احساس صعب قوي لما تشوف منظر شاب بيتقتل برصاص الجيش بطلقة في دماغه واللي بينقله شخص بموتوسيكل وهو غرقان دم . مش عارف اوصف اللي حصل بس فظيع

لما تلاقي البلطجية اللي طالعين من مديرية امن الجيزة بيضربوا مع الشرطة الاول وبعد ما الجيش اتدخل بضرب الرصاص الحي الضرب فضل متواصل ساعتين

لما تشوف شاب صغير مسكوه البلطجية وقلعوه هدومة وضربوه لغايه لما اتعد من الضرب ونزلوا بشومه علي دماغه وكمان قالوا انا كان بيضرب علي الجيش طوب

احساس غبي جدا لما تبقي واقف زي حارس المرمي مستني القنابل المسيلة للدموع جايه من اي اتجاه وانت لابس ماسك الغاز والخوذه وجوانتي بتمسك القنابل

احساس اغبي لما ظابط ابن جزمة يستهدفك بقنبلة مباشرة في الرأس بس الخوذة تحميك وربك ستار

احساس غريب لما تلاقي الظابط نفسه بيتحرك قدامك وبتوعدك باشارات بايده وبيوجه قنبله تانيه مباشرة لمنطقة البطن بس ربك ستر اتحركت في وقتها

احساس غبي تاني لما الظابط يئس منك يطلع يهاجمك بالمدرعه ويقرب من الرصيف وانت بتجري عاوز يدهسك بس برضه معرفش لانه دخلت شارع جانبي

احساسي الان اني مضرب بخرطوش تاني في ركبتي اليمين وانا مصاب بخرطوش في الركبة الشمال من العباسية احساس بيض فشخ

امبارح شوفت رجالة واقفه بتحارب غطرسه الداخلية وشوفت ناس خافت من الموضوع وفضلت تتفرج

امبارح كان في ناس بتحافظ علي الامن ورفضت اي محاولات لتخريب الممتلكات واللهي العظيم رفضوا وقالوا لا مش هنخرب وده يثبت ان اللي ولع وحرق بلطجيه

شوفت قدامي بلطجيه وراء قوات الامن المركزي بيولعوا في حديقة الاورمان

شوفت ظباط الداخلية وهما كانوا بيشتمونا باوسخ الالفاظ علشان نحتك بيهم زيادة ونضربهم ردا علي الاهانات دي

شوفت ظابط الجيش وهوه بيبكي وبيقولنا ارجعوا هيدبحوكوا واللهي العظيم وهوه منهار ومش عارف يعمل اي شئ

شوفت نقيب الجيش وهوه بيقول احنا هنتفشخ احنا وانتم . احنا خوفنا علي الجيش من قنابل الغاز والمظلات والصاعقة ضربونا الصبح بالرصاص

شوفت عساكر الجيش اللي واقفين تحت السفارة وهما مش واخدين اي موقف من اقتحام السفارة . وبعد ما الشباب طلعوا قفلوا الباب عليهم علشان مينزلوش

مكناش خايفين لما دخلنا في الجراج بتاع عربيات في شارع جانبي واستخبنا فيه من ضرب النار المتواصل والاصابات والسايس بتاع الجراش غطي علينا

في قوة من الجيش سئلت علينا هل دخلنا الجراج ولا لا السايس قالهم محدش دخل هنا

بعدها وقفنا علي باب عمارة مع حارس الامن وقالنا انتم كأنكم معانا وقتها شوفت البلطجية بيدوراوا علي اي حد يضربوهكان واقف في الشارع

كنت حاسس اني بعمل شئ وانا بظهر علم مصر وهوه بيرفرف فوق السفارة الاسرائلية مع انهم كانوا طافيين النور بس انا كان معايا كشاف زينون كبير

اللي كانوا بيصوروا كان بيصورا وراء الداخلية علشان يعموا الناس عن الحقائق اللي بتعملها الداخلية .

الظابط بتاع الامن المركزي لما زهق مني بعت لي مصور صحفي فضل واقف جمبي ساعه عاوز ياخد لي صورة لوجهي علشان يعرف مين اللي لابس الماسك بس معرفش

كل شئ كان منظم ومرتب احنا لبسنا فعلا فخ من اكبر المهازل اللي حصلت لنا من اول الثورة

اللي بيفكر ان الداخلية اتعدلت وحالها بقي افضل يبقي بيضحك علي نفسه

في احداث العباسية الناس مكنتش خايفه من المواجهه مع الداخلية والبلطجيه . لكن في احداث شارع شارل ديجول الغاز كان بيضرب بكثافة وقنابل مجهولة

القنابل اللي انضربت انواع مختلفة قنابل مفيش عليها اي داتا تشير الي بلد المنشأ او تاريخ الانتاج .قنابل اشبه بقذائف الصاروخ الصغير معايا عينات

تعرفوا لو قلت اني اتشهدت كذا مرة وانا واقف وقلت يارب احنا بنغير شئ فاسد في البلد ونفسنا نصلحه يارب لو متنا اعتبرنا اي شئ غير اني نكون بلطجي

شوفت الشباب اللي بنقول عليهم متشردين او صيع واقفين صف اول في مواجهه مع بلطجية الداخلية وبيحاولوا يمنعوهم يتقدموا ويضربوا غاز بس كان عدد قليل

تعرفوا لو قولنا انه الشعب اللي بيشتم فينا دلوقتي وبيقول اننا بلطجية نزل وشاف اللي بيحصل بعنيه كان اول واحد شارك معانا في الاحداث

لو عاوز تحكم بجد علي اللي حصل امبارح قارن تصريح وزارة الداخلية بشهادتي وانت هتعرف الفرق واللهي بقول كلامي وانا ببكي حسرة علي اللي ماتوا

شوفت شباب علي موتسيكلات شغالين زي الاسعاف بينقولوا المصاببين بدون اي اجر او كلمة شكر حاسيين انه ده دورهم وواجبهم

شوفت عربية اسعاف مش عاوزه تاخد الناس المصابة والمسعف رفض انه يركب حد وياخده مستشفي علشان الناس قالت له عالجه هنا متسلمهوش للشرطة العسكرية

مهما يكون الشخص جبان لو شاف قدامه ناس بتطلب المساعده اكيد هيقدم اللي يقدر عليه

انا مش خايف اني اقول شهادتي علي الملأ او ان حد يعرف بياناتي لانه مؤمن بانه كل شئ نصيب واللي مكتوب هنشوفه اللي مزعلني انه في ناس لسه بتشكك

 واللهي بكيت لما شوفت شكل الولد اللي كان شايل الشاب اللي مات وهوه والموتسيكل بتاعه غرقانين دم

انا هنشر كل الشهادة كاملة بكامل اللي شوفته بعيني مش اللي اتحكي لي او سمعته لانه مش هشهد الا علي شئ شوفته بعيني في احداث شارع الجيزة امس

كانت اسوء وافظع 12 ساعه متواصله عدت علي من وقت الثورة . امبارح كان اشبه بيوم 28 يناير جديد بكل مماراسات وزارة الداخليه

شوفت ناس كانت بتنهار من شده قنابل الغاز اللي كانت بتنضرب بكثافة والمدرعات اللي كانت بتدخل عاوزه تدهس الناس شئ صعب انك تسكت وتقول وانا مالي

انا كنت ببقي حاسس اني فشلت لو قنبلة غاز عدت مني ومقدرتش امسكها واحدفها كنت بحس بذنب انها عدت لاني معايا ماسك واللي ورايا بيتفشخوا من الغاز

دي صورة اللي نزلت في الاهرام انهرده وصورها المصور الفاشل بتاع الاهرام معرفش ينشر غيرها لانه معرفش ياخد صورة لوجهي ‎2.bp.blogspot.com/-mlLIoBK9VP0/T…‏

شوفت بلطجيه الجيش بيطبطب عليهم لم انصابوا علشان كانوا بيضربوا في صفه ضدنا بدون ما نعرف سبب لكده

انا مش مع عمر عفيفي ولا بفكر نفس تفكيره ويوم ما اتكلم قولت خليه يسكت مش ناقصه تنظير منه كفايه بقي كله بيتكلم ومحدش فاهم حاجه انا بقول شهادتي

لو الجيش اعلن الاحكام العرفية زي ما الناس خايفه هيضطر يلغي كل الاحكام المدنيه وبكده قضية مبارك هتبقي محاكمه عسكرية وده مش هيحصل ابدا

الجزيرة مقدرتش تنقل الصورة كامله ومباشرة من كل الاماكن الجزيرة كانت عند كوبري الجامعه شارع الجيزة او شارل ديجول كانت معركة شرسه بدون اي سبب

في حد معاه قنبله من القنابل اللي انضربت لسه منفجرتش هنوديها لمعمل كيميائي لتحليها علشان تبقي دليل اثبات في انها استخدمت في الاحداث

تعرف لما تشوف صاحبك بيبكي جمبك وهوه كل اصرار انه يكمل وميمشيش من المكان رد فعلك هيكون ايه . مقدرتش اسيبه واورح مع انه كان في امكاني امشي

انا هكتب كل شئ تاني بس انا مكنتش قادر اتكلم من امبارح حاسس انه نفسيا بعد اللي شفته انه الايام اللي جايه صعبه بس عاوزه الصبر علشان نحقق شئ

شارع البحر كان في دوريات تمشيط علشان عربيات الجيش اللي جايبه القوات وكان اي حد بيطلع هناك بيتمسك اللي هوه الشارع الموازي لشارل ديجول

انا مصور فوتوغرافي وبصور فيديو كويس كان اسهل شئ اخد الكاميرا واكتفي اني اصور قولت اليوم ده مش للتصوير اليوم ده اكيد هتحصل مواجهه مش هقف ساكت

هاقول لكم شئ يمكن تسئلوني اخدت ليه كشاف زينون معايا وماسك غاز وخوذة كنت في التحرير وكنت متوقع يطفوا علينا النور ويضربونا بالغاز

امي كانت بتكلمني وبتقولي انت فين اضطريت اقولها انا في اي مكان تاني وانا مرمي علي الارض عند الفور سيزون بعد ما انضربت بخرطوش كنت خايف عليها

كان معايا 3 من اصحابي ممكن تسئلوهم لومش مصدقين كلامي هيقولوا حاجات تاني شافوها بعنيهم ‎@Elmolatham‏ ‎@ScafVirginity‏ بيحكوا اللي حصل معاهم

سؤال لنفسي ليه كل مرة انضرب بخرطوش في رجلي افضل مكمل في المواجهات حتي بعد ما اصيبت بلاقي الاجابة احنا لوعلي باطل ربنا كان هيزرع الخوف فينا

كل ما بسمع اغنية تامر عاشور سئلوا الشهيد نفسك في ايه بيبقي نفسي اجيب حقهم وارفع من شان البلد دي ونضفها من الخونه والعملاء اللي فيها

عاوز اقولكم كلمة اخيرة مش تحريض متخافش لو انت علي الحق ربنا هينصرك مهما كان والعمر واحد والرب واحد وكل شئ مقدر ليك اكيد هتشوفه

خلي عندك هدف وخلي حبك للبلد دي وحبك انك تطهرها من الفساد اللي كان فيها مده 30 سنه يبقي هوه اللي جواك هتعرف انت رايح فين

اوعي تشوف الحق والباطل قدامك وتقف علي الحياد لانك هتبقي منافق وبتساند الباطل حدد لنفسك لاما مع الحق لاما مع الباطل

في بنت اسمها مني سيف ماسكه مجموعة لا للمحاكمات العسكرية للمدنيين احب اشكرها لانها كانت متابعه معايا علي التليفون وقت ما كنت في الجراج مستخبي

مني سيف بجد انتي بنت مصرية جدعه جدا جدا واشكرك علي موقفك ومتابعتك ليا في وقت صعب ‎@Monasosh‏