طول عمر مصر بغض النظر عن أحزابها و طوائفها و انتماءات شعبها طول عمرها فيها تلات أحزاب و بس حزب الفساد و حزب الكنبه و حزب الشارع....
حزب الفساد ده قاعد فوق بيدير البلد لحساب مزاجه....حزب الكنبه قاعد بيتفرج علي الجزيره و يقرا الدستور و صوت الأمه في البيت و يسب و يلعن في حال البلد و الحراميه اللي نهبوها في البيت و القهوة و الشغل و الفيسبوك ....كتير بيفضلو علي الحال ده طول عمرهم و شويه يهجو علي أمريكا و شويه علي الخليج و شويه يموتو في البحر و هما رايحين ايطاليا أو راجعين من السعوديه... أما حزب الشارع ده فضل طول عمره أقليه بيحارب حزب الفساد بقدر المستطاع....و لكنه كان مخترق و منقسم علي نفسه و مطارد من كلاب حزب الفساد....
حزب الكنبه طول عمره الأغلبيه اللي الحزبين التانيين مصلحتهم معاها...حزب الفساد ضارب ايده في جيوبهم و عمال يضللهم و ينيمهم و يشغلهم بحرب شلت بينهم و بين بعض (يعني كل واحد يتناول الشلته اللي جنبه و يرزعها في دماغ التاني من غير ما يقومو من علي الكنبه) من عينة الزمالك مظلوم و الأهلي ده واكلها والعه....المسيحيين دول ماحدش يعرف يكلمهم و المسلمين دول ظلمه و عنصريين.... الخ و حزب الشارع بيحاول يضم له ناس من اللي قاعدين علي الكنبه بما تبقي له من الوسائل بعد أن نزعت منه معظمها...حتة جرنال كده صاحبه مقطع بطاقته أو مدونه علي السريع كاتبها واحد مودع أهله....المهم ان حزب الكنبه بكل غضبه و تزمره و سلاطة لسانه ما عملش أي انجازات في تلاتين سنه إلا الاعتراض و السب و اللعن و البلد في النازل....اعترض علي السرقه بقت نهب علني....اعترض علي تزوير الانتخابات بقت مليطه...اعترض علي اللي مخلل فيها....بقي هو و ابنه و عيلة أمه كلها...قال طالما لاقي عيشي و عيش عيالي تولع...بقي طابور العيش مذبحة القلعة. أعضاء الحزب برضه معذورين...ماهو يا بخت من اعتبر بغيره...كل واحد خايف علي الشلته اللي قاعد عليها لاحسن تتسحب من تحته أو حد غيره ييجي يقعد عليها أو يتمرمط و مستقبله هو و عياله يضيع و بعدين دي مش بلدنا دي بلدهم و بلد بايظه أكيد مش أنا اللي هاصلح كل الزروطه دي.
لسبب غير معلوم أو لمجموعة من الأسباب أو لإن الحكاية بقت استهبال علني من حزب الفساد اللي حتي ماعدش مهتم انه ينيم جماعة الكنبه و يصرفلهم حبوب الهلوسه في النسكافيه علي رأي القذافي....لسبب من هذه الأسباب أو كلها مجتمعه انضمت مجموعه كبيره و غير مسبوقه من أعضاء الكنبه لحزب الشارع....مش بس كده دول كمان غيرو سلوك حزب الشارع فأصبح كله علي قلب رجل واحد.
في تلات أيام نجح حزب الشارع الجديد في القضاء علي أسطورة جهاز أمن قلعة الفساد بدون سلاح...بدون عنف و فرض مطالبه عل الساحه المطلب تلو الآخر و انهارت دفاعات و خطوط بنيت في ٣٠ سنه الواحد تلو الآخر و في ١٨ يوم أجبر حزب الشارع من هدم البلد ليبني امبراطوريته علي الرحيل تاركا ما بني خلفه لتبدأ مرحلة جديدة من الصراع....أدرك حزب الفساد أن عليه الرجوع للحيلة و التفكير بعد أن كان أي غبي ممشي الأمور حلاوه اعتمادا علي غفوة أصحاب الكنبه...أدرك أن المواجهة مع حزب الشارع بحالته هي معركة خاسره بكل المقاييس فقرر الالتفاف...
الاستقرار.....الأمن....اعطاء الفرصه للحكومه الجديدة....البلد حالها واقف....عودة السياحة....المادة الثانية من الدستور....الحق المسيحيين اللي بيتقتلو و الجيش اللي بيعتدي علي الكنيسه....احنا آسفين يا اصطي حسني....هي العيال دي مش عاجبها حاجه و كل شويه مظاهرات عايزين ايه تاني ما الثورة نجحت...احنا حققنا اللي احنا عايزينه....اجيش صبره بدأ ينفذ ....أطنان من الشعارات و الزن علي دماغات الناس بمعاونة أصيله من الناس اللي تمسكت بالكنبه حتي الآن و الهدف هو تشتيت الانتباه عن الأهداف الرئيسية و إذا تشتت الانتباه أصبح حزب الشارع عديم القيمة....يالا كلنا نرجع بسرعه نقعد علي الكنبه قبل ما مكان لا مؤاخذة يبرد...
لازم كل أعضاء الكنبة الكرام يعرفو حاجه مهمة جدا....لو فضلت الأشخاص اللي تبع حزب الفساد القديم دول موجودين خلال الست شهور القادمين و اتعملت الانتخابات برلمانيه و رئاسية تحت اشرافهم يبقي ما كانش في داعي اطلاقا حد يتعب نفسه و ينزل الشارع و احنا آسفين فعلا يا اسطي....احنا بنتكلم عن حكومة الحزب الوطني....الحزب الوطني نفسه...المجالس المحليه اللي هي أس كل الفساد المتداري....أمن الدولة و الفاسدين في وزارة الداخليه و ماحدش يقوللي حبيب العادلي....و الباقيين راحو فين؟؟؟
لازم تعرفو كمان ان قوة الثورة دي مش في الجيش و مش في أي حاجه غير قوة الشارع...احنا مش بنخون الجيش (في الرساله دي علي الأقل) لكن تعالو نحلل موقف الجيش... الجيش التزم الحياد الإيجابي من أول يوم نزل فيه الشارع (طبعا باستثناء موقعة الجمل ده كان استهبال ايجابي) و كان موقفه دائما مبني علي قياس موازين القوة أو بمعني آخر قياس مدي اصرار الشارع علي الثورة و مدي شعبية هذه الثورة....انما لم يقدم علي تنفيذ خطوة واحدة للأمام بينما الشارع في حالة ثبات....كان دائما تصرف الجيش في أعقاب تزايد ملحوظ للأعداد و الاحتجاجات....هل تعتقدون للحظة أن خطاب التفويض يوم ١٠ فبراير إذا وجد قبول عند بعض الناس و قلت الأعداد في التحرير كان سيحدث ما حدث يوم ١١؟؟ الإجابة هي بالقطع لا.... ثم بعد التنحي....ما الذي أدي إلي إقالة حكومة شفيق الأولي رغم عدم وجود أي بوادر؟؟ الاجابة مليونية جمعة تأكيد المطالب التي خطب فيها الشيخ القرضاوي....
ما الذي أدي الي تحول غريب في موقف الجيش من اعتصام الجمعة ٢٥ فبراير؟؟ أليست قلة الأعداد؟؟ ماحدش يقوللي دول كانو بلطجيه و شتمو الجيش....أكيد اعتصام ال ١٨ يوم اللي أسقطو مبارك كان فيهم بلطجية بيشتمو الجيش و بعدين شادي الغزالي حرب مش بلطجي علشان يتسحل و ينضرب...فجأة بقي نصب الشهداء في التحرير هدف للجيش ليدمره و يأتي بواحد جديد في اليوم التالي لمصالحة الجماهير؟؟؟ الإجابه علي كل هذه التساؤلات هي في ميزان قوة الشارع....ماحدش هيعملنا حاجه احنا ماعملناهاش لنفسنا....الجيش حجز بين الشعب و كلاب النظام انما ما عملش الثورة و لا فرض مطالبها
و أخيرا...أعزائي حزب الكنبه...انتو خدتو فرصتكم كامله علي مدي ٣٠ سنه ما عملتوش فيهم حاجه إلا انكم سيبتو البلد تتنهب علي كل شكل و لون...عيشتو الاستقرار اللي بتحبوه و الأمان الخرافي اللي ولد كل البلطجيه اللي بتصرخو منهم النهارده...الاقتصاد غار في داهيه و بقي في يد شلة حراميه و البورصه اللي بتعيطو عليها كانت أحد الوسائل اللي يسرقو بيها الملاليم اللي انتو حاطينها تحت البلاطة و في نفس الوقت تدعو للريس بالصحة أصل صحته من صحة البورصه و مع ذلك ياما شوفتو فيها اتنين اسود و تلات مهبب و اربع مطين....جايين النهارده تقولو الثورة وقعت البورصه و الاقتصاد...ياخي الحمد لله....
قوتنا في قوة ثورتنا يعني في قوة الشارع و اذا كنتم فاكرين انكم هتتفرجو عليها لغاية ما تبقي دولة ديموقراطية و ينصلح حالها كده من نفسه....أنصحكم تنامو أحسن و تصحو كمان ٣٠ سنه
Very nice piece, although the language is very weak. I wish alot of people can read it.I would have liked to see what people think about ...أعزائي حزب الكنبه...انتو خدتو فرصتكم كامله علي مدي ٣٠ سنه ما عملتوش فيهم حاجه إلا انكم سيبتو البلد تتنهب علي كل شكل و لون...عيشتو الاستقرار اللي بتحبوه و الأمان الخرافي اللي ولد كل البلطجيه اللي بتصرخو منهم النهارده...الاقتصاد غار في داهيه و بقي في يد شلة حراميه و البورصه اللي بتعيطو عليها كانت أحد الوسائل اللي يسرقو بيها الملاليم اللي انتو حاطينها تحت البلاطة و في نفس الوقت تدعو للريس بالصحة أصل صحته من صحة البورصه و مع ذلك ياما شوفتو فيها اتنين اسود و تلات مهبب و اربع مطين....جايين النهارده تقولو الثورة وقعت البورصه و الاقتصاد...ياخي الحمد لله....
ردحذفقوتنا في قوة ثورتنا يعني في قوة الشارع و اذا كنتم فاكرين انكم هتتفرجو عليها لغاية ما تبقي دولة ديموقراطية و ينصلح حالها كده من نفسه....أنصحكم تنامو أحسن و تصحو كمان ٣٠ سنه
because this is with the concept of "did you go to TAHRIR, how many times, ghareeba mashoftaksh henak!!
the only problem is, the people who died, and the people who filled the streets are the prople who are not used to protesting!!!! I for one never protested in my life except on 25 Jan.
there are millions of projects to build this country,social activity groups like "masr elkheir" and "resala" and now "mosta2bal masr" and "shabab al thawra" these are groups that are trying to make a difference. After the main causes have been adressed, and dur to the short breath of the third group, they are looking stability as they all like, but they are now more posetive after they gave ligitemacy to the street group. They are they are now wiser, but they dont know what to do, they support the street, they can see the corruption, but they refuse to be taken for granted, if the beauty of this revolution is due to the face that everyone was on the street during the revolution, this has to br the main feature of the comming era! the stret group has to think, they are not used to that, but they have to see the third option, they always criticized the passive people, but they now hold gratitude, as these passive people are the only way this revolution was supported by masses.therefore , as a member of the street group "if you wantthe passive people to get back to the street you have to do a better job now!!!" to get these no more passive group to move again, they have to be spoken too, not lead by a power that we all know is limited in number and effect. Street group has to realise that most of the third group wishes it goes back to sit down. And since they are the bigger mass, you wont move them by accusations like anti revolution, and you wont move them by shouting at them, you will only move them if you show them you want change without "she3arat" like el shabab el 3amalo el thawra 3ayzeen kaza, aw el sawra el kollena madioneen leeha, e7na kollena el thawra, el thawra di beta3etna, we mennena, we besababna kollena, we hatfedna kollena. ma7addesh lee 7a2 yetkallem belsanha, wala yehadded be wa7da tania, wala ye2assem el nas meen eshtarak ezzay, el nam fel tahrir mesh ahamm mel nam ta7t 3omaret el nam fel tahrir 3asha ye7roslo ommo w aboo. El we23et mel balcona, mesh far2a 3an el khabateto 3arabey 3an el edarab be rosasa f reso, 3an el matat we heyya btewled, kollohom shohada2, we estakhdemnahom 3ashan ne7afez 3ala romooz lel sawra, we nkhally el nas 3andaha iman we t7ess en ay 7aga hat2addemha mesh hateb2a akter mel mato.
Boss ana ha2olhalak tany, tool manta mesh 3aref el aghlabeya 3ayza eih, tool mant amesh hate3raf terdeehom wala tet7akkem feehom, ana 3amalt "third voice" 3asgan el passive ye7ess enno active we 3ashan afham tarkeebet el nas, el belmonasba aghlabhom en makansh kollom kano fel tahrir, homma el nas el kott betshofhom mashyeen beyleffo fel midan mesh bayteen fee.
ردحذفe3raf el nas 3ayza eih 3ashan tet7akkem feehom, mot7assessh el nas ennak 3asaby, aw ennak wakhed gamb ay ma kan ettegahak. Mat2allelsh men 7add aw matestahza2sh b 7add 7atta law el shakhs da kan 7ases enno nadman enno masha 7osni Mubarak nafso.
Balash mozaydat, finas lessa fel share3, fi nas betlemm floos, fi nas betedhen el raseef, kol dol bey7ebbo masrr, ma7addesh matghayyarsh ya Mahmoud. Bas thakafet group el share3 et banet 3al 3end wel esrar, zay mal 3alkanaba nezlo ba2om fel share3, el fel share3 lazem yeddo el kanaba forse, 3ashan el kanaba ba2alhom 30 sana beyetmarrano 3ala el gedal, wel kalam, momken te7taghom aw te7tag romooz menhom fel fatra el gayya 3ashan yetfawed we yeddi soatak wazn. Argo ennak te3mel zayee, ana dayman se3ari lamma adkhol mona2sha "ana 3ayz el oddami yekhaleeny andamm le ra2yo" mesh ya akne3ak ya tekne3ni, fahem, law ghayart tafkeerak mesh ma3nah ennak 3abeet, aw beryala, bel 3aks ma3nah ennak mature we nefsak teghayar koll 7aga bema feeha nafsk.
في حاجه برضه عايز اقولهالك... انت برضه مش الاغلبيه... القصة دي كلها علشان نفهم حاجه واحده بس... ايه اللي عمل التغيير؟ تحول السلبي الي ايجابي.... طيب الايجابي ده في اصوات بتضحك عليه علشان ترجعه سلبي تاني... باقولله اذا كنت سعيد بالتغيير اللي انت عملته و عايزه يكمل لازم انت كمان تكمل و ما تعتمدش علي حد.... ما حك جلدك مثل ظفرك
ردحذف